Samband
Føroya Ungdómsráð
J. Broncksgøta 40
100 Tórshavn
Føroyar
les@les.fo
Føroya Ungdómsráð umsitur Les og Lær í Føroyum í samstarvi við Mentamálaráðið.
Um Les og Lær í Føroyum
Ein útbúgving er stuðulsheimilað, tá ið hon er skipað sum heiltíðarlestur, er minst 3 fylgjandi mánaðir til longdar, er ólønt og endar við próvtøku.
GÓÐKENDAR STUÐULSHEIMILAÐAR ÚTBÚGVINGAR
Niðanfyrinevndu fulltíðarútbúgvingar í Føroyum eru góðkendar sum stuðulsheimilaðar:
Lesandi er lestrarvirkin, um tann lesandi ikki er meira enn eitt ár afturúr í lesnaðinum eftir ásettu lestrartíðini. Harafturat skal tann lesandi møta til frálæruna, lata inn kravdar uppgávur og fara til próvtøkurnar eftir teimum reglum, ið eru galdandi á útbúgvingarstovninum.
Til tess at verða roknaður sum heiltíðarlesandi krevst, tá ið talan er um miðnámsútbúgvingar, stuttar vinnuførleikagevandi útbúgvingar og útbúgvingar á framhaldsdeildarstigi fyri fólk eldri enn 18 ár, at tann lesandi hevur minst 20 lestrartímar um vikuna. Tó kunnu lesandi við heimabúgvandi børnum undir 10 ár og lesandi við serligum tørvi koma undir reglurnar um heiltíðarlestur, um tey lesa í minsta lagi 16 tímar um vikuna. Fyri hægri útbúgvingar galda reglurnar um lestrarvirkni, tá ið metast skal um heiltíðarlestur. Í ivamálum tekur Studni avgerð.
Prístalsjavning er 1. august hvørt ár. Sí møguligar broytingar á www.studni.fo.
Tey, ið eru 18 ár ella eldri, fáa lestrarstuðul, um tey lúka stuðulstreytirnar.
Tey, ið verða 18 ár í stuðulsárinum, fáa stuðulin mánaðin eftir, at tey eru fylt 18 ár. Tá hava hesi eisini møguleika at søkja um lán.
Lesandi fáa hægra studningin, um tey lúka eina av fylgjandi treytum:
Øll onnur fáa lægra studningin.
Tey, ið eru undir 18 ár, fáa bókastudning. Harafturat ber til hjá nøkrum av teimum lesandi undir 18 ár at fáa vistarhaldsstudning.
Bókastudningur verður latin lesandi, ið eru undir 18 ár fyrst í stuðulsárinum. Bókastudningurin er kr. 3.642 og verður útgoldin fyrst í stuðulsárinum.
Vistarhaldsstudningurin verður latin lesandi undir 18 ár, ið eru noydd at flyta til útbúgvingarstaðið. Treytin fyri at fáa henda studning er, at sjóvegis farleið er millum heimabústað og skúlan, ella at vegalongdin millum heimstaðarbýin/bygdina og skúlabýin/bygdina er longri enn 50 km sambært almennu ásetingunum hjá Landsverki. Mánaðarligi vistarhaldsstudningurin er kr. 2.544. Til tess at fáa vistarhaldsstudningin skal leiguváttanin frá Studna útfyllast á sama hátt sum hjá teimum, ið búgva til leigu.
Víst verður til heimasíðuna http://kort.ssl.fo hjá Strandfarskipum Landsins, tá ið søkjast skal um ferðastuðulin innanoyggja.
Barnsburðarfarloyvisstudningur verður veittur í sambandi við barnsburð og ættleiðing. Stud-ningurin, ið er tann hægri studningurin, verður í mesta lagi veittur í 11 mánaðir (eitt stuðuls-ár) fyri hvønn barnsburð. Tann lesandi skal búgva saman við barninum, um tann lesandi skal fáa farloyvisstudningin, og bæði foreldrini kunnu ikki samstundis fáa farloyvisstudningin úr skipanini.
Barnsburðarfarloyvisskipanin gevur foreldrunum somu rættindi. Bæði tann lesandi móðirin og lesandi faðirin kunnu fara í farloyvi, treytað av, at tey ikki eru í farloyvisskipanini samstundis.
Við øðrum orðum fylgir farloyvisstudningurin barninum, sama um tað er móðirin ella faðirin, ið velur at fara í farloyvi. Foreldrini avgera sjálvi, hvussu tey býta farloyvið ímillum sín.
Barnastudningurin verður veittur lesandi, ið hava uppihaldsskyldur av børnum, ið eru undir 18 ár. Bara tey, ið eiga ella hava ættleitt børnini, hava uppihaldsskyldur. Barnastudningurin er kr. 766 um mánaðin fyri hvørt barnið. Lesa báðir uppihaldararnir, kann bara annar søkja um barnastudningin. Barnastudningurin verður bara latin tí, ið býr saman við barninum. Dóps- ella navnabræv hjá barni/børnum skal fylgja við saman við p-talinum. Skjalprógv frá kommunu ella Landsfólkayvirlitinum um, at barn/børn búgva hjá stuðulsmóttakara, skal eisini fylgja við. Við barnsburð verður barnastudningurin fyrstu ferð veittur sama mánað, sum barnið er føtt.
Studningur til einsamallar uppihaldarar verður veittur umsøkjara, ið er lestrarvirkin og fær serliga barnaískoytið til einsamallar uppihaldarar frá Almannaverkinum. Studningurin til einsamallar uppihaldarar er kr. 1.532 um mánaðin.
Vanligi mánaðarligi studningurin, tær kr. 3.815 ella tær kr. 1.838 , verða inntøkujavnaðar, um mánaðarliga miðal útgoldna A-inntøkan fer upp um kr. 20.000. Fyri hvørjar kr. 1.000, mánaðarliga miðal útgoldna A-inntøkan er hægri enn kr. 20.000, lækkar studningurin 10%. Vilt tú hava fleiri upplýsingar um inntøkujavningina, les so meira um hetta á heimasíðuni www.studni.fo.
Stuðulsárið er frá 1. august til 30. juni árið eftir. Í juli mánaði verður eingin stuðul latin. Lestrarhálvurnar eru frá 1. august til 31. desember og frá 1. januar til 30. juni. Stuðul fæst frá teirri lestrarhálvuni, tá ið søkt verður, t.e.., at umsóknarfreistin fyri eina útbúgving, ið byrjar í august mánaði er 31. desember sama ár. Verður søkt t.d. í mars mánaði árið eftir, fæst bara stuðul frá januar mánaði.
Møguligar broytingar í stuðulsviðurskiftum skulu vera Studna í hendi innan 20. í hvørjum mánaði. Tó skulu broytingar í desember mánaði latast Studna innan 14. desember.
Studni flytir studning og lestrarlán á kontu í føroyskum peningastovni seinast í hvørjum mánaði.
Lesandi á miðnámsútbúgvingum, vinnuførleikagevandi útbúgvingum ella á útbúgvingum á framhaldsdeildarstigi fáa í mesta lagi lestrarstuðul upp til eitt ár eftir, at ásetta lestrartíðin er lokin.
Lesandi á hægri útbúgvingum fáa í mesta lagi lestrarstuðul upp til eitt ár eftir, at ásetta lestrartíðin er lokin. Upp í lestrartíðina verða roknaðar áður loknar ella steðgaðar hægri útbúgvingar, har lesandi hevur fingið vanligan mánaðarligan lestrarstuðul frá Studna ella frá Statens Uddannelsesstøtte. Stuðul verður í mesta lagi latin í 6 ár til hægri útbúgvingar. Studni kann leingja stuðulstíðina 2 ár, um tann lesandi ikki hevur miðnámsútbúgving.
Studni kann gera undantak frá regluni um áramál, um lestrartíðin er longri enn 5 ár fyri eina útbúgving, ella um lestrartíðin er vorðin longd vegna ráðsarbeiði, sjúku, barnsburð, ættleiðing, vísindaligt arbeiði o.a.
Lestrarlán renta 2% p.a. í útbúgvingartíðini. Eftir lokna útbúgving verða lestrarlán rentað 3% yvir diskontuni. Diskontan var 0,00 % p.a. tann 1. november 2014.
Tann lesandi fer vanliga undir at gjalda aftur lestrarlán og rentur eitt ár eftir, at tað stuðulsárið er endað, har ið útbúgvingin er lokin ella steðgað. Útbúgvingin verður ikki søgd at verða lokin, um tann lesandi innan 15 mánaðir eftir hesa útbúgving fer undir eina aðra útbúgving. Tað sama er galdandi, um ein fyribils steðgað útbúgving verður tikin upp aftur innan fyri somu tíðarfreist.
Studni ásetir afturgjaldsupphæddina eftir samlaðu skuldini. Afturgjaldstíðin er í mesta lagi 15 ár. Hvørt gjaldið skal í minsta lagi vera kr. 300 um mánaðin.
Lesandi, ið eftir vanligu reglunum hevur fingið tann stuðul, ið kann fáast frá Studna, kann søkja um at fáa endalán, í mesta lagi kr. 6.234 um mánaðin í 11 mánaðir. Treytin fyri at fáa endalán er, at tann lesandi tekur eina hægri útbúgving, er lestrarvirkin, og at avvarðandi lærustovnur kann vátta, at tann lesandi er førur fyri at gera útbúgvingina lidna innan 1 ár. Afturgjaldstreytirnar fyri hetta lán eru tær somu sum fyri vanliga lestrarlánið.
Studni - www.studni.fo.
Føroya Ungdómsráð
J. Broncksgøta 40
100 Tórshavn
Føroyar
les@les.fo
Føroya Ungdómsráð umsitur Les og Lær í Føroyum í samstarvi við Mentamálaráðið.
Um Les og Lær í Føroyum
