ECTS er stytting fyri European Credit Transfer System, sum er eitt evropeiskt mát fyri arbeiðsbyrðuna í eini útbúgving. ECTS stigini verða nýtt til at vísa, hvussu nógv hvør einstøk námsgrein telur.
60 ECTS verða kravd fyri at standa eitt lestrarár.
ECTS lýsir sostatt longdina á eini fulltíðarútbúgving - ella vavið av eini parttíðarútbúgving.
Men ECTS lýsa eisini arbeiðsbyrðuna á modulum ella lærugreinum. Eitt ECTS svarar til 25–30 arbeiðstímar. Tekur tú sostatt eitt modul ella eina lærugrein, sum telur 10 ECTS, eigur tú at nýta millum 250–300 tímar til modulið - undirvísing, lestur, uppgávur og próvtøku.
Til at standa eina lestrarhálvu er neyðugt við til samans 30 ECTS-stigum. Fylgir tú 6 námsgreinum, sum hvør telur 10 ECTS stig, eitt lestrarár, hevur tú 60 stig til samans og hevur tí staðið lestrarárið. Fylgir tú 5 námsgreinum, ið hvør telur 10 ECTS-stig, hevur tú 50 ECTS-stig samantalt. Tú fært í hesum føri ikki góðskrivað eitt heilt lestrarár, tí tey seinastu 10 ECTS-stigini mangla.
Vilt tú hava rætt til at nevna teg bachelor, skalt tú lesa í til samans trý ár og standa skeið, ið geva til samans 180 ECTS-stig. Tað er 60 stig fyri hvørt árið. Masterútbúgving krevur samantalt 120 stig. Munurin á stigatølunum á ymsu skeiðunum gevur eina ábending um bæði innihald og longd á skeiðinum.
Fylg okkum
