Vinnuhúsið bjóðar seg til at verða millumlið millum lesandi og føroyskar vinnufyritøkur.
Lesandi kunnu venda sær til Vinnuhúsið fyri at fáa vegleiðing og hjálp í sambandi við uppgávur, serritgerðir og annars um áhugi er fyri at arbeiða við evnum, sum hava týdning fyri føroyskt vinnulív.
Skriva til industry@industry.fo ella ring +298 309900.
Lesandi kunnu senda umsókn til Vinnuhúsið um at fáa ein mentor úr føroyska vinnulívinum.
Ein mentor er eitt fólk við vitan og royndum úr vinnulívinum, sum virkar sum vegleiðari hjá hinum lesandi. Mentorurin vegleiðir hinum lesandi um ymisk viðurskifti í sambandi við uppgávuskriving og eina yrkisleið í privata vinnulívinum í Føroyum.
Mentorurin bindur seg til at nýta í minsta lagi 6 tímar árliga til hesa vegleiðing. Tað stendur tó mentorinum frítt at seta meira tíð av til vegleiðingina, um hann ella hon ynskir tað.
Søk um mentor her
