Er tøkt her

Lestrartíð: 2 ár
Skúlabyrjan: August
Umsóknarfreist: 1. juli
Tal av upptiknum næmingum: Umleið 20

Útbúgvingarstovnur
Fróðskaparsetur Føroya

Útbúgvingarstaður
Tórshavn

Lestrarlán:

Lestrarkostnaður: Fulltíðarlestur er ókeypis fyri borgarar í Norðurlondum. Stakgreinir kosta kr. 600/ECTS

Master

Løgfrøði

M.A.

Endamálið við útbúgvingini er at geva tí lesandi førleikar á høgum stigi í løgfrøði. Tey útbúnu skulu fata og kunna greina lóg og løgfrøði við atliti at røð av løgfrøðiligum evnum, umframt lógkønari útgávu og lóg hjá smáum løgdømum í samveldisstøðu.

Um útbúgvingina

Útbúgvingin leggur dent á, at tey útbúnu skulu fata og duga at greina lóg og løgfrøði við atliti at fyrisitingarlóg, lógkønari útgávu og lóg hjá smáum løgdømum í samveldisstøðu, m.a. lóggávu, venju og aðrar rættarkeldur, umframt altjóða lóg, felagsmál og samanberandi greining.

Lesast skulu 120 ECTS, og býtið er:

●       Dogmatiskur lógkunnleiki: 50 til 80 ECTS

●       Løgfrøðilig fatan og háttalag: 10 ECTS kravd

●       Ritgerð: 30 ECTS

●       Valgreinar: 0 til 30 ECTS.

Útbúgvingin er samansett av dogmatiskum lógkunnleika, løgfrøðiligari fatan og háttalagi og valgreinum. ð. 

Dogmatiskur lógkunnleiki er siðbundin gjøgnumgongd av lógkeldum á ávísum evnisligum øki, tulking og brúk teirra. Dogmatiskar lærugreinar skulu vera 50–80 ECTS.

Boðin verða út skeið (oftast 10 ECTS) sum fyrisitingarlóg, kollektivur arbeiðsrættur, altjóða fiskiveiðirættindi, kommunurættur, skatta­rættur (bæði alment og ymisk serskeið), rættarsøga, grundlógarroynd, mannarættindi og revsirættur, brúkaralóg, stjórnarlóg, skipanarlóg, sjólóg, havrættur og búnaðarlóg. 

Flestu dogmatisku lærugreinarnar taka støði antin í føroyskari lóg ella annars við atliti at lóg viðkomandi fyri smá løgdømi í samveldisstøðu.

Løgfrøðilig fatan og háttalag er djúp fatan og greining av løgfrøðiligum háttalagi, umframt almennur akademiskur førleiki tillagaður avbjóðingum í løgfrøðiligum høpi. Løgfrøðilig fatan og háttalag skal vera í minsta lagi 10 ECTS. Boðin verða út skeið (oftast 5 ECTS) sum at skriva ritgerð í løgfrøði, løgfrøðilig fatan og útgáva, løgfrøðiligt háttalag, samberandi lógkunnleiki.

Hesi skeið kunnu vera heilt upp í 40 ECTS, um studenturin undir valgreinum velur skeið um løgfrøðiliga fatan og háttalag.

Valgreinar eru skeið, ið ikki lættliga kunnu bólkast sum antin dogmatisk ella løgfrøðilig fatan og háttalag, men eru viðkomandi fyri samlaðu læruúrtøkuna. Studenturin kann velja millum einki og upp til 30 ECTS av hesum skeiðum.

Í hvørjari lestrarhálvu skulu bert lesast 30 ECTS.

Ymiskt er, hvørjar lærugreinar vera bjóðaðar fram hvørja lestrarhálvu, men vanliga trý til fýra skeið.

Ritgerð skal vera 30 ECTS og skal sýna løgfrøðiliga fatan á høgum stigi.

Yvirlit - lestrarhálvur, lærugreinar og ECTS stig
 

Vár
2014
Heyst
2014
Vár
2015
Heyst
2015
Vár 
2016
Heyst
2016
Vár
2017
Heyst
2017
Vár
2018
Løgsøga•*

Kommunu-
rættur•

10 ECTS

Fyrisitingar-
lóg•

10 ECTS

Kollektivur
arbeiðs-
rættur•

10 ECTS

Kommunu-
rættur•

10 ECTS

Almennur
starvsfólka-
rættur

10 ECTS

Byggi- og
skipanarlóg

10 ECTS

Kollektivur arbeiðsrættur

10 ECTS

Fiskiveiðu- rættur
10 ECTS

At skriva
ritgerð í lóg*§ 

5 ECTS

Byggi- og
býarskipan-
arlóg•

10 ECTS

Brúkaralóg•

10 ECTS

Skattarættur•

10 ECTS

Løgsøga

10 ECTS

Hjúna-skilnaðar-rættur

10 ECTS

Altjóða lóg

10 ECTS

Skattarættur

10 ECTS

Sosialrættur
10 ECTS

At skriva*§  
grein í lóg 

At skriva
ritgerð í lóg§

5 ECTS

Altjóða lóg•

10 ECTS

Barnarættur•

10 ECTS

Kirkjurættur

10 ECTS

Heimastýri
og
stýriskipan

10 ECTS

Føroysk
fyrisitingar-
lóg

10 ECTS

Løgfrøðilig fatan

10 ECTS

Substatsligar stjórnarskipanir10 ECTS

Løgfrøðilig
fatan§

10 ECTS

At skriva
grein í lóg§

5 ECTS

At skriva
ritgerð í lóg§

5 ECTS

Fíggjarrættur•

10 ECTS

At skriva
ritgerð í lóg§

5 ECTS

Nýggjur
vestnorrønur
stjórnar-rættur

10 ECTS

Almennur
etikkur

10 ECTS

Fíggjarrættur

10 ECTS

(G) Konsti-
tusjonelt
Demokrati•*

10 ECTS

(G) Rule of
Law•

10 ECTS

At skriva
grein í lóg§


5 ECTS

At skriva
ritgerð í lóg§

5 ECTS

At skriva
grein í lóg§

5 ECTS

(G) Continental
Shelf (SACS)•

5 ECTS

(G) Continental
Shelf
(SACS)•

5 ECTS

At skriva
grein í lóg§

5 ECTS

(G) Modern
Constitutions§

10 ECTS

Løgfrøðilig
fatan§

10 ECTS

Dogm. 15 ECTS Dogm. 30 ECTS Dogm. 35 ECTS Dogm. 40 ECTS Dogm. 40 ECTS
Háttal. 10 ECTS Háttal. 10 ECTS Háttal.20 ECTS Háttal. 20 ECTS Háttal.10 ECTS    

* Skeiðið er ella verður hildið
• Skeiðið er í dogmatiskum evnum; 50 ECTS eru kravd at fáa prógv sum master í løgfrøði  
§ Skeiðið er í løgfrøðiligum háttalagi; 10 ECTS kravd at fáa prógv sum master í løgfrøði
(GF) Gestafak – undirvísarar úr øðrum londum, undirvíst á øðrum málum enn føroyskum
(X) Skeiðið verður møguliga boðið út eisini hesa lestrarhálvuna

Tilsamans krevjast 120 ECTS at fáa prógv sum master í løgfrøði, harav 30 ECTS fyri ritgerð

Fulltíðarlestur krevur 30 ECTS hvørja lestrarhálvu.

Próvtøkur

Skipað verður fyri próvtøkum tvær ferðir um árið.

Vetrarpróvtøkur eru vanliga í desember og januar, summarpróvtøkur eru vanliga í mai og juni.

Skipað verður fyri endurpróvtøku og sjúkrapróvtøku um várið og um heystið.

Upptøkutreytir

Til at verða upptikin krevst antin í minsta lagi bachelor prógv í løgfrøði ella onnur bachelorútbúgving. Hevur studenturin aðra bachelorútbúgving enn í løgfrøði, er eisini krav, at viðkomandi gjøgnum útbúgvingina og/ella royndir hevur nóg mikið av løgfrøði.

Til ber eisini at lúka krøvini um akademiska og viðkomandi undanútbúgving við at vísa á eftirútbúgving og royndir. Viðkomandi eru tikin stakskeið í lóg á Fróðskaparsetrinum. Viðkomandi royndir kunnu vera í umsiting av lóggávu, leiðsla hjá stovni ella fakfelag, sæti í kommunustýri ella á tingi, starv í grannskoðan ella øðrum eftirliti. Viðkomandi eru tikin stakskeið í lóg á Fróðskaparsetrinum.Týðandi er at lýsa og skjalprógva førleikar og royndir.

Starvsmøguleikar

Útbúgvin skulu kunna taka við størvum í almennari og privatari fyrisiting, har kravið er løgfrøði ella samsvarandi hægri útbúgving. Hevur tú bachelor í løgfrøði frammanundan, kanst tú eisini virka sum advokatur og dómari.

Framhaldandi útbúgving

Master í løgfrøði gevur møguleika fyri at fara undir ph.d.-lestur í lóg ella samsvarandi.

Meiri kunning

Tú kanst venda tær til Bárð Larsen, útbúgvingarleiðara, bardurl@setur.fo, tlf. 292598.

Les meiri her

Fróðskaparsetur Føroya - www.setur.fo.

Er tøkt her

Lestrartíð: 2 ár
Skúlabyrjan: August
Umsóknarfreist: 1. juli

Útbúgvingarstovnur Fróðskaparsetur Føroya

Útbúgvingarstaður
Tórshavn

Fylg okkum