Søk um upptøku her
Lestrartíð:

2 ár

Skúlabyrjan:

august

Umsóknarfreist:

15. mars

Útbúgvingarstovnur:
Útbúgvingarstaður: Hov
Lestrarstuðul:
Lestrarlán:

Námsfrøðihjálpari

Útbúgvingin til námsfrøðiligan hjálpara hevur til endamáls at geva næminginum yrkisførleika at røkja námsfrøðiligar og umsorganaruppgávur á dagstovna-, skúla- og almannaøkinum.

Um útbúgvingina​

Útbúgvingin skal geva næminginum grundleggjandi námsfrøðiligar førleikar til sjálvstøðugt og umsorganarfult at røkja og leggja til rættis mennandi og stimbrandi virksemi, sum styðjar upp undir menningina, trivnaðin og læringina hjá børnum, ungum og vaksnum.

Útbúgvingin gevur næminginum almennan lestrarførleika, ið er grundarlag undir víðari útbúgving. Mennir innlit næmingsins um samfelagsviðurskifti, eisini í yrkisligum høpi, og gevur næminginum møguleika at menna sínar persónligu førleikar, samstarvsevni og læringarførleikar.

Ástøðiligi parturin íroknað próvtøku er 44 vikur, undirvísing á skúlanum.

Upptøkutreytir

Til at verða upptikin krevst:

  • 9. floks próvtøku fólkaskúlans
  • eitt ára skúlagongd, ella eitt ára arbeiðsroyndir av onkrum slagi, ella 10. floks próvtøku fólkaskúlans

Heilsuskúli Føroya tekur upp umsøkjara við støði í heildarmeting av, um umsøkjarin er førur fyri, á nøktandi hátt, at lúka krøvini í útbúgvingini.​

Próvtøkur

Í námsfrøðiligu hjálparaútbúgvingini skal næmingurin til próvtøku í 3 lærugreinum. Einstaki næmingurin skal til munnliga próvtøku í verkætlan og munnliga próvtøka í einari yrkislærugrein. Harumframt munnlig ella skrivlig próvtøka í føroyskum ella munnlig próvtøku í enskum ella samfelagslæru.

Starvsmøguleikar

Eftir lokna útbúgving kanst tú arbeiða sjálvstøðugt við námsfrøðiligum og umsorganarligum uppgávum innan dagstovna- skúla og almannaøkið.

Framhaldandi útbúgving

Sum námsfrøðihjálpari kanst tú taka víðari útbúgving sum námsfrøðingur.

Viðvíkjandi krøvum til upptøku til námsfrøðing í Føroyum hygg her.

Meiri kunning

Heilsuskúli Føroya

Søk um upptøku her
Lestrartíð:

2 ár

Skúlabyrjan:

august

Umsóknarfreist:

15. mars

Útbúgvingarstovnur:
Útbúgvingarstaður: Hov
Lestrarstuðul:
Lestrarlán: