Er tøkt her

Lestrartíð: 3 ár
Skúlabyrjan: August
Umsóknarfreist: Kvota 2 - 15. apríl. Kvota 1 - 1. juli. Upptøka er annaðhvørt ár, næstu ferð í 2020.
Tal av upptiknum næmingum: Umleið 8

Útbúgvingarstovnur
Fróðskaparsetur Føroya

Útbúgvingarstaður
Tórshavn

Lestrarstuðul:

Lestrarlán:

Lestrarkostnaður: Ókeypis fyri borgarar í danska ríkinum og norðurlondum. Staklærugreinar kosta 200 DKK/ECTS

Bachelor

Mýlalívsvísind

B.Sc.

Endamálið við útbúgvingini er at geva teimum lesandi kunnleika og førleikar til, at arbeiða innan mýlalívsvísindi ella halda fram við víðari lestri uttanlands.

Um útbúgvingina

Á hesi útbúgvingini fært tú eitt grundleggjandi og breitt innlit í mýlalívsvísindi.

Tú lærir um hvussu mýl, so sum protein, DNA og RNA samstarva og virka í kyknum, og víðari hvussu kyknur samstarva og virka í organismum. Eisini verður t.d. undirvíst í, hvussu broytingar í  DNA kunnu viðføra ílegutengdar sjúkur.

Tú fært førleikar at avmarka, seta fram og greina spurningar í mýlalívsvísindum. Tú lærir at tulka rá kanningarúrslit og seta tey í eitt fakligt høpi.

Útbúgvingin er skipað eftir altjóða leisti, men sum nakað serstakt tekur undirvísingin støði í føroysku náttúruni og teimum djórum, plantum og fólkum, sum hava lagað seg til umhvørvið og lívið í Føroyum.

Skipan av útbúgvingini

Flestu skeið eru løgd soleiðis til rættis, at tú skiftir ímillum ástøði, starvsstovuvenjingar og feltarbeiði. Summi skeið verða eisini hildin um summarið.

Útbúgvingin er skipað við fyrilestrum, starvsstovuarbeiði, evnislestri, lestrarvitjanum og egnum verkætlanum.

Fyrsta hálvtannað árið hava allar tríggjar lívfrøðiútbúgvingarnar á Náttúruvísindadeildini felags undirvísing. Tær tríggjar lívfrøðiútbúgvingarnar eru B.Sc í vistfrøði, B.Sc í havlívfrøði og B.Sc í mýlalívsvísindum.

Eftir  hálvtannað ár verða tær tríggjar útbúgvingarnar skildar sundur í lestrarleiðir við hvør sínum fakliga serøki. Síðstu lestrarhálvuna er 3/4 av tíðini sett av til at skriva bachelor-ritgerð, sum telur 22,5 ECTS. Øll hini skeiðini í útbúgvingini telja 7,5 ECTS.

Yvirlit - lestrarhálvur, lærugreinar og ECTS stig
 

1.
lestrarhálva

2.
lestrarhálva

3.
lestrarhálva

4.
lestrarhálva

5.
lestrarhálva 

6. 
lestrarhálva 

Fróðskaparhegni,
vísindaástøði
og etikkur

Lívrunnin
evnafrøði

Jørð, hav
& luft

Havlívfrøði I

Feltskeið
í vistfrøði

Mýlsk starvs-
stovuháttaløg

Støddfrøði og
hagfrøði fyri
lívfrøðingar

Almenn
lívfrøði II

Mýlsk
kyknulív-
frøði I

Arvalæra 

Mýlsk
kyknu-
lívfrøði II

Almenn og
ólívrunnin
evnafrøði

Almenn
lívfrøði III

Vistfrøði
á landi

Rannsóknar-
ætlan og
dátugreining 

Eiturfrøði  

Bachelor-
verkætlan

Almenn
lívfrøði I

Lívevnafrøði

Smáveru-
lívfrøði

Human-
fysiologi

Bioinforma-
tikkur í verki

 

Próvtøkur

Próvtøka í skeiðunum er vanliga beint eftir at undirvísingin er lokin.

Í ávísum skeiðum telja innlatingar av uppgávum, ið verða givnar, meðan skeiðini eru í gongd, við í endaliga próvtalinum.

Upptøkutreytir

Treyt fyri upptøku er, at umsøkjari hevur miðnámsprógv við alisfrøði, støddfrøði á B-stigi og evnafrøði á B-stigi.

Miðaltalið í hvørjari av nevndu lærugreinum skal vera í minsta lagi 4 eftir 7-stiganum ella 7 eftir 13-stiganum. Miðaltalið verður roknað av skrivligum og munnligum próvtalsúrslitum og av endaligum ársmetum.

Verður søkt eftir kvotu 2, kunnu aðrar fortreytir við javnsettum kunnleikastøði góðtakast eftir nærri meting.

Starvsmøguleikar

Útbúgvingin gevur tær grundarlag fyri at arbeiða innan ymisk arbeiðsøki t.d. í heiligvágsídnaðinum, í sjúkrahúsverkinum, á granskingarstovnum, sum vísindajournalistur og í undirvísing.

Framhaldandi útbúgving

Útbúgvingin er harumframt grundarlag fyri framhaldandi lestur á masterstigi. 

Tað er lærustovnurin, sum søkt verður inn á, sum avger upptøkutreytirnar.​

Meiri kunning

Tú kanst venda tær til lestrarvegleiðingina nvd-studvegl@setur.fo ella til Jónrit Halling, útbúgvingarleiðari jonrith@setur.fo.

Les meiri her.

Fróðskaparsetur Føroya - www.setur.fo.

Er tøkt her

Lestrartíð: 3 ár
Skúlabyrjan: August
Umsóknarfreist: Kvota 2 - 15. apríl. Kvota 1 - 1. juli. Upptøka er annaðhvørt ár, næstu ferð í 2020.

Útbúgvingarstovnur Fróðskaparsetur Føroya

Útbúgvingarstaður
Tórshavn

Lestrarstuðul:

Fylg okkum