Búskaparfrøði

Endamálið við útbúgvingini er at geva lesandi førleika til eftir lokna útbúgving at virka sjálvstøðugt sum búskaparfrøðingur ella fara undir víðari lestur á kandidat- ella masterstigi.

Um útbúgvingina

Á hesi útbúgvingini lærir tú um konjunktursveiggj, altjóða handil, fíggjarmarknaðir og organisasjón og leiðslu. 

Útbúgvingin er skipað eftir altjóða leisti, men sum nakað serstakt tekur útbúgvingin støði í føroyska samfelagnum og teimum viðurskiftum, føroyskir borgarar, fyritøkur og myndugleikar liva undir.

Skipan av útbúgvingini

Tey bæði fyrstu árini eru støðisár, har tú fært hollar førleikar í samfelagsbúskaparfrøði, virkisbúskaparfrøði umframt støddfrøði og hagfrøði.

Tú fært til dømis innlit í ástøði og praksis um:

• Organisatión og leiðslu
• Altjóða handil
• Fíggjarmarknaðir
• Konjunktursveiggj

Á triðja ári fært tú við valfakum og bacheloruppgávu møguleika at leggja serstakan dent á antin samfelagsbúskaparlig evni, sum til dømis búskaparvøkstur og tilfeingisvinnur, ella virkisbúskaparlig evni, sum til dømis marknaðarføring og innovatión.

Yvirlit - lestrarhálvur, lærugreinar og ECTS stig
 

Próvtøkur

Próvtøkur eru í januar og juni.

Upptøkutreytir

Treyt fyri upptøku er, at umsøkjari hevur miðnámsprógv við støddfrøði á B-stigi.

Verður søkt eftir kvotu 2, kunnu aðrar fortreytir við javnsettum kunnleikastøði góðtakast eftir nærri meting.

Starvsmøguleikar

Útbúgvingin gevur tær starvsmøguleikar innan almenna fyrisiting og í privatum fyritøkum.

Framhaldandi útbúgving

Útbúgvingin er harumframt grundarlag fyri framhaldandi lestur á masterstigi. 

Tað er lærustovnurin, sum søkt verður inn á, sum avger upptøkutreytirnar.​

Meiri kunning

Tú kanst venda tær til lestrarvegleiðingina ssd-studvegl@setur.fo ella til Jóannes Jacobsen, útbúgvingarleiðara, jóannesj@setur.fo.

Les meiri her

Fróðskaparsetur Føroya - www.setur.fo.