Hvat hevur tín áhuga?

Akademiútbúgving á Glasi

Akademiútbúgvingin er ein hægri eftirútbúgving, sum byggir á miðnám og verkligar royndir hjá tí lesandi. Útbúgingin er skipað sum parttíðarlestur.

Útbúgvingin er væl egnað til teirra, sum hava tikið yrkisrættað miðnám, eitt nú skrivstovu- og handilslærlingar. Akademiútbúgvingin er eisini eitt gott alternativ til tey, sum hava gymnasialt miðnám, og sum ynskja sær eina hægri viðkomandi útbúgving, uttan at skula ganga í skúla fulla tíð.

Maskinmeistari og maskinistur

Maskinmeistari
Tú kanst virka sjálvstøðugt sum maskinmeistari og standa fyri virksemi og viðlíkahaldi av tekniskum útbúnaði á sjógvi og landi.

Maskinistur
Tú kanst sigla á stigi upp til 2. maskinmeistara á øllum skipum og á stigi upp til maskinstjóra við skipum við framtøkumegi upp til 2999 kW, tá ið neyðug starvsvenjing er lokin. 

Skipsførari og skipari á Vinnuháskúlanum

Skipsførari
Tú kanst vera stýrimaður ella skipari á øllum fiskiskipum og handilsskipum, ið sigla á øllum heimsins høvum.

Skipari
Tú kanst sigla sum skipari, við rang samsvarandi starvsvenjing, á øllum støddum av fiskiskipum og lastskipum upp til 3000 BT.

HD 1. partur

Endamálið við útbúgvingini er at geva førleikar innan leiðslu, fyriskipan og búskap til verandi og komandi leiðarar, so tú fært møguleikan afturat tínum vinnuroyndum at fáa eina ástøðiliga útbúgving.

HD er skipað sum parttíðarútbúgving í ein 1. part og 2. part. HD 1. partur gevur tær eitt vinnubúskaparligt grundstøði, sum gevur tær førleikar til at verða tikin upp til 2. part.

Útbúgvingin er á Glasi og tekur 2 ár.

Ferðaleiðaraskeið

Kundi tú hugsa tær at vita nógv um:

    uppruna & búseting í Føroyum
    Ólav kong & Nólsoyar Páll
    føroyska búskapin & livigrundarlagið
    sosiologi & matmentan
    jarðfrøði, plantufrøði og landbúnað
    list, burðardygd & ferðavinnu
    og førleikar at greiða frá og siga søgur?

So er ferðaleiðarskeiðið kanska nakað fyri teg.

Miðnám í Vestmanna byrjar nýtt ferðaleiðaraskeið 18. august í 2021.